OS NOSOS VEXETAIS FORON PARA A COCIÑA DO COMEDOR

Aproveitando que a berza branca estaba moi boa levámoslla a cociñeira para que o venres  preparase un bo cocido para todos aproveitando as datas do entroido.
Un neno de cada clase en representanción axudou a recoller e transportar a berza para o comedor.

OS VEXETAIS DO INVERNADOIRO

No invernadoiro coidamos con esmero e mimo os repolos, a berza branca, o brecol, as leitugas, a coliflor e as acelgas.
MIRADE QUE PRECIOSIDADE.

A COMETA DA PAZ

Para o día da Paz o Equipo de Educación Infantil elaboramos unha cometa con material de refugallo e con paxariñas de cores no que ían os nomes de cada un dos nenos/as dende 3 a 5 anos. Conseguimos que voase un tramo moi pequeno a pesar de que non soplaba o vento. O noso obxetivo era explicarlle que a forza do vento fai mover os obxetos e incluso elévaos e voan.

MANUALIDADES CON MATERIAIS DE REFUGALLO

Como coordinadora do proxecto Voz Natura enviei ás familias unha nota invitándoas a realizar na casa cos seus fillos/as manualidades e obxetos con material de refugallo ao longo do mes de Xaneiro. Con todas as achegas temos unha exposición no hall do Colexio. A acollida foi espectacular así como a aportación e a calidade dos traballos.
Enhoraboa a todos e moitas grazas pola vosa aportación. Podedes pasar polo Centro e ver os traballos fantásticas que hai.

SEMANA DE CONTACONTOS SOBRE A RECICLAXE

Eva a monitora da Biblioteca do Concello de Pereiro de Aguiar acudiu o día 29 ao Centro para contarlle o conto dos Bolechas: "Coidamos a escola, coidamos o planeta" aos nenos/as de Educación Infantil e realizar con eles actividades e xogos de reciclaxe.

O día 30 foi as aulas de 1º, 2º de Primaria a realizar unha actividade moi creativa a partir do conto: "Non é unha caixa da Ed. Factoria k de libros

O día 31 ás aulas de 3º e 4º de Primaria llevou dúas maletas viaxeiras con libros de lectura que nos ceden en préstamo e una proposta de traballo sobre medidas de reciclaxe na casa e na escola. 

Para rematar o día 1 de Febreiro en 5º e 6º de Primaria fixo xogos da Oca e do Trivial de elaboración propia sobre a reciclaxe que nos cedeu ao Centro.

Foi unha experiencia moi interesante. Moitas grazas pola túa colaboración

CHARLA SOBRE ENERGÍAS Y CIENCIA CREATIVA

O martes, día 29 acudiu ao Colexio Raúl da asociación Bilurico Medio Ambiente para dar una pequena charla sobre as enerxías e aportar ideas para que en todalas aulas realicen experimentos encamiñados a realizar unha exposición dos traballos e experiencias nos primeiros días do mes de maio.

Realizouse en dúas sesións de unha hora de duración dende 1º a 6º de Primaria.

REXISTRO DE TEMPERATURAS

Os monitores da aula D'Abaixo: Cris, Santi, Modesto e Iago levan a cabo todolos días cos nenos que quedan na aula dende as 5 da tarde un rexistro de temperaturas que miden diarimente no horto de Bencho.

Suben tódolos días pola tarde a primeira hora, a colle-la temperatura exterior nun termómetro situado á entrada da horta. Alí aproveitan tamén para que os nen@s digan o tipo de tempo que fai (anubrado, soleado, cicloxénesis explosiva…) y botanlle un vistazo a horta controlando máis ou menos o crecemento da  verdura prantada, tanto no exterior coma no invernadeiro, tamén curiosean un pouco nos composteiros para observar o proceso de descomposición.Unha vez na Aula anotan nun gráfico, para que se vexa ao final do curso a oscilación das temperaturas entre o inverno, a primavera e o verán.Unha vez que remata a semana, os vernes, xuntan as temperaturas anotándoo con número e con símbolos metereolóxicos.

Moitas grazas pola vosa colaboración.

Observar e anotan a temperatura no horto e no invernadoiro

Rexistro das temperaturas